Միջազգային մրցանակ՝ «Դպրոցական սննդի» բաղադրատոմսերի համար

2019-07-19

«Դպրոցական սնունդ» ծրագրի շրջանակում ՀՀ դպրոցներում մատուցվող սննդի բաղադրատոմսերով գիրքն արժանացել է «Gourmand Awards» միջազգային մրցանակի:
Բաղադրատոմսերի գիրքը մշակվել է ՀՀ կառավարության, Հայաստանում Պարենի համաշխարհային ծրագրի, Ռուսաստանի Դաշնության «Ճյուղային սննդի ինստիտուտի դպրոցների», համայնքների և դպրոցների համատեղ ջանքերով: Բաղադրատոմսերի գիրք ունենալու նպատակն է Հայաստանի մարզերում տարրական դասարանի մոտ 100,000 աշակերտներին տրամադրել առողջ, սննդարար և բազմազան սնունդ «Դպրոցական սնունդ» ծրագրի շրջանակում` միևնույն ժամանակ օգտագործելով տեղական և ավանդական ճաշացանկի բաղադրիչներ:   
Մրցանակաբաշխությունն անցկացվել է Չինաստանում կազմակերպված Մակաոյի գրքի միջազգային ցուցահանդեսի շրջանակում: Համաշխարհային հռչակ վայելող խոհարարների հետ միասին Հայաստանում Պարենի համաշխարհային ծրագրի և «Կայուն դպրոցական սնունդ» հիմնադրամի աշխատակիցները, մի քանի օր շարունակ օգտվելով դպրոցական սննդի բաղադրատոմսերի գրքից, նախաճաշ են պատրաստել ցուցադրական խոհանոց-տաղավարում` օգտագործելով միջազգային լսարանի իրազեկվածության մակարդակը բարձրացնելու հնարավորությունը: Մասնավորապես, անդրադարձ է եղել  կրթության որակի բարելավման, առողջ ապրելակերպի և սնուցման խթանման, սոցիալական պաշտպանության և տեղական տնտեսությունների զարգացման ոլորտներում «Դպրոցական սնունդ» ծրագրի կարևոր ազդեցությանը:
 

 

Բաժանորդագրվել

Եթե ցանկանում եք պարբերաբար ծանոթանալ ՀՀ ԿԳՄՍ նախարարության կայքէջի «Տեղեկատվություն» բաժնի նյութերին, ապա կարող եք բաժանորդագրվել՝ նշելով Ձեր էլեկտրոնային փոստի հասցեն։ Այդ հասցեին կստանաք նամակ-հաղորդագրություն, որով կհաստատվի Ձեր բաժանորդագրումը։