ՀՀ կրթության և գիտության նախարարը հյուրընկալվել էր ճամբարականներին

2017-06-09

ՀՀ կրթության և գիտության նախարար Լևոն Մկրտչյանն այսօր այցելել է «Մխիթար Սեբաստացի» կրթահամալիր, որի ընթացքում ծանոթացել է կրթահամալիրի ուսումնական ճամբարներին: Կրթահամալիրի դպրոցներում մայիսի 29-ից մեկնարկել է «Ուսումնական ամառ» ծրագիրը` ամառային պարտեզ` իր բաց լողափով, լողափնյա դպրոց-ճամբար` ամառային ուսումնական գործունեությամբ: Նախարարին ներկայացվել են դպրոց-պարտեզների զարգացման ծրագիրը, բնակելի զանգվածներում դպրոց-պարտեզների ցանցի ստեղծման առաջարկությունը: Լևոն Մկրտչյանը նշել է, որ «Մխիթար Սեբաստացի» կրթահամալիրի հաջողված փորձը կարելի է տարածել հանրապետության  այլ  դպրոցներում: Կրթության նախարարը շրջայց է կատարել  կրթահամալիրի մարզահրապարակներով, պարտեզներով, համերգային դահլիճներով, ծանոթացել երեխաների ճամբարային առօրյային, հետևել նրանց  սպորտային խաղերին՝ սուսերամարտ, հեծանվավազք, հրաձգարան, մասնակից դարձել ջամբարականների գրական, թարգմանչական թեմաներով քննարկումներին, ծանոթացել խեցեգործական և գեղարվեստի ստեղծագործություններին, ունկնդրել երեխաների երաժշտական կատարումները, պատասխանել կրթահամալիրի պատանի լրագրողների հարցերին: Ի պատասխան պատանի լրագրողներից մեկի այն հարցին, թե ինչ կփոխեր  այս կրթահամալիրում՝ ՀՀ կրթության և գիտության նախարարը  նկատել է, որ փոփոխությունները որպես նոր սերունդ  պետք է առաջարկեն իրենք՝ սեբաստացիները, իսկ ինքը՝ որպես կրթության նախարար մշտապես պատրաստ է ընդառաջ գնալ կառուցողական առաջարկներին:

 

Բաժանորդագրվել

Եթե ցանկանում եք պարբերաբար ծանոթանալ ՀՀ ԿԳ նախարարության կայքէջի «Տեղեկատվություն» բաժնի նյութերին, ապա կարող եք բաժանորդագրվել՝ նշելով Ձեր էլեկտրոնային փոստի հասցեն։ Այդ հասցեին կստանաք նամակ-հաղորդագրություն, որով կհաստատվի Ձեր բաժանորդագրումը։