Նախարարը հանդիպել է ՀԳՄ նախագահության անդամների հետ

2017-02-03


Հայաստանի գրողների միությունում այսօր տեղի է ունեցել ՀՀ կրթության և գիտության նախարար Լևոն Մկրտչյանի հանդիպումը ՀԳՄ նախագահության անդամների հետ: Քննարկվել են «Գրականություն» և «Մայրենի լեզու» դասագրքերի հրատարակմանն առնչվող, ինչպես նաև բազմաթիվ այլ հարցեր: Լևոն Մկրտչյանը նշել է, որ առկա են մի քանի լուրջ ուղղություններ, որտեղ ստեղծագործական միությունների օգնության կարիքը հստակ զգացվում է. առաջիկայում ծրագրվում է վերականգնել Տերմինաբանական խորհուրդը, բացի այդ, օտար լեզուների հայեցակարգ է մշակվում: Անդրադառնալով դասագրքերի խնդրին` նախարարը հիշեցրել է, որ Խորհրդային Միությունում ևս Հայաստանը չի ունեցել դասագրքաստեղծ մշակույթ. հիմնականում Մոսկվայի համապատասխան ինստիտուտների թարգմանություններն են եղել, և այսօր կարիք կա համապատասխան կառույց ստեղծելու. «Կառավարության վերջին նիստում վարչապետի հանձնարարականը համընկավ մեր այս նախաձեռնության հետ, որով փորձելու ենք Կրթության ազգային ինստիտուտում ստեղծել դասագրքաստեղծ կենտրոն, որը ոչ թե դասագիրք պետք է գրի, այլ կազմի դասագրքերի բովանդակությունը: Դասագիրք գրելը մշակույթ է, և այդ կենտրոնում պետք է ունանանք մարդիկ, ովքեր վերապատրաստված լինեն: Այստեղ մեծ աջակցություն կարող է ցուցաբերել Գրողների միությունը: Բացի այդ, գուցե մագիստրոսական ծրագիր ներդնենք, որպեսզի մասնագետները կարողանան նկարագրել դասագիրք գրելու պայմանը` ինչպիսին պետք է լինի տվյալ տարիքային խմբի դասագիրքը, նրա բեռնվածությունը, նկարազարդվածությունը, որակը։ Սա լուրջ խնդիր է, և կփորձենք նաև մեր մտավորականության տարբեր շերտերին, ըստ ոլորտների, համախմբե: Սրանք այն ոլորտներն են, որտեղ, առանց խորհրդատվության, նախարարությունը չի կարող իր ուժերով հաջողության հասնել»,-նշել է Լևոն Մկրտչյանը:
Քննարկանը ներկա ՀԳՄ անդամները նախարարին ուղղել են տարբեր հարցեր` դասագրքերի որակի, երեխաների համար հրատարակվող մանկապատանեկան մամուլի, Սփյուռքի դպրոցների և այլ խնդիրների վերաբերյալ:

 

Հաստատվել են 2017-2018 ուսումնական տարվա օրինակելի ուսումնական պլանները

Կրթության և գիտության նախարար Լևոն Մկրտչյանի հրամանով հաստատվել են հանրակրթական հիմնական ընդհանուր պետական ծրագրեր իրականացնող ուսումնական հաստատությունների 2017-2018 ուսումնական տարվա օրինակելի ուսումնական պլանները: Համաձայն հրամանի՝ ուսումնական պարապմունքները սկսվում են 2017թ. սեպտեմբերի 1-ին, ավարտվում 2018թ. մայիսի 25-ին` 5-օրյա աշխատանքային շաբաթվա և մայիսի 26-ին՝ 6- օրյա աշխատանքային շաբաթվա դեպքում՝ ապահովելով առնվազն…

Բաժանորդագրվել

Եթե ցանկանում եք պարբերաբար ծանոթանալ ՀՀ ԿԳ նախարարության կայքէջի «Տեղեկատվություն» բաժնի նյութերին, ապա կարող եք բաժանորդագրվել՝ նշելով Ձեր էլեկտրոնային փոստի հասցեն։ Այդ հասցեին կստանաք նամակ-հաղորդագրություն, որով կհաստատվի Ձեր բաժանորդագրումը։

Հանրային քննարկումներ

«Հայաստանի Հանրապետության կառավարության 2011 թվականի օգոստոսի 25-ի N 1240-ն որոշման մեջ փոփոխություններ կատարելու մասին» Հայաստանի Հանրապետության կառավարության որոշման նախագիծ

ՀՀ ԿԳՆ-ն հանրային քննարկման է ներկայացնում «Հայաստանի Հանրապետության կառավարության 2011 թվականի օգոստոսի 25-ի N 1240-ն որոշման մեջ փոփոխություններ կատարելու…

Հայաստանի Հանրապետության կառավարության 2006 թվականի օգոստոսի 24-ի N 1262-ն որոշման մեջ լրացումներ եվ փոփոխություններ կատարելու մասին Հայաստանի Հանրապետության կառավարության որոշման նախագիծ

ՀՀ ԿԳՆ-ն հանրային քննարկման է ներկայացնում «Հայաստանի Հանրապետության կառավարության 2006 թվականի օգոստոսի 24-ի N 1262-ն որոշման մեջ լրացումներ եվ…