Մրցանակ` «Կրթություն հանուն կայուն զարգացման ՅՈՒՆԵՍԿՕ-Ճապոնիա» ծրագրի համար

2017-02-21

«Կրթություն հանուն կայուն զարգացման գործողությունների գլոբալ ծրագրի» (ESD Global Action Programme) շրջանակներում սահմանված  «Կրթություն հանուն կայուն զարգացման ՅՈՒՆԵՍԿՕ-Ճապոնիա մրցանակն»   առաջին անգամ շնորհվել է 2015 թվականի նոյեմբերին։ Վերջինս նախատեսված է գնահատելու և ցուցադրելու «Կրթություն հանուն կայուն զարգացման» ոլորտում անհատների, հաստատությունների, կազմակերպությունների կամ այլ միավորումների կողմից իրականացված ծրագրերն ու նախաձեռնությունները: Գործողությունների գլոբալ ծրագրի հիմնական նպատակն է կրթության և ուսուցման բոլոր մակարդակներում ու ոլորտներում սկսել կայուն զարգացման առաջընթացի խթանմանն ուղղված գործընթաց: 
Նշված մրցանակը շնորվում է տարեկան երեք մրցանակակիրների, որոնցից յուրաքանչյուրին հատկացվում է 50.000 ԱՄՆ դոլար: Մրցանակաբաշխության արարողությունը նախատեսվում է ընթացիկ տարվա վերջին եռամսյակում:
Յուրաքանչյուր պետություն կարող է ներկայացնել առավելագույնը երեք հայտ: Հայտերը պետք է ներկայացվեն միայն ՅՈՒՆԵՍԿՕ-ի՝ Հայաստանի ազգային հանձնաժողովի քարտուղարության միջոցով. ինքնաառաջադրվող հայտերը չեն ընդունվելու։ 
Ներկայացված հայտերը պետք է համապատասխանեն մրցանակի կանոնադրության պահանջներին և շնորհման չափանիշներին։ Յուրաքանչյուր հայտին կից անհրաժեշտ է ներկայացնել անգլերենով շարադրված աջակցման նամակ, որը կներառի՝ ընդհանուր տեղեկատվություն թեկնածուի և վերջինիս ձեռքբերումների վերաբերյալ, համառոտ տեղեկատվություն թեկնածուի կատարած աշխատանքի կամ դրա արդյունքների մասին և մրցանակի նպատակների իրականացման գործում թեկնածուի ներդրման նկարագրություն:
Մրցանակի վերաբերյալ այլ մանրամասներին կարելի է ծանոթանալ այցելելով http://en.unesco.org/prize-esd կայքէջը:
Ցանկացողները պահանջվող լրացված փաստաթղթերը մինչև ս.թ. մարտի 28-ը պետք է ներկայացնեն ՀՀ ԿԳՆ աշխատակազմի ԱԿՍՎ արտաքին կապերի բաժին (հեռ.` 010562364):

Բրիտանական հեղինակավոր «Rhinegold» պարբերականը՝ ՀՀ ԿԳՄՍ աջակցությամբ անցկացված «Ժամանակակից դասականներ» փառատոնի մասին

Հայաստանում անցկացված «Ժամանակակից դասականներ» կոմպոզիտորական փառատոնին անդրադարձել է «Rhinegold» հեղինակավոր պարբերականը։ «Rhinegold»-ը համարվում է բարձրարժեք երաժշտությանն ու կատարողական արվեստին անդրադարձող լավագույն հարթակներից մեկը Մեծ Բրիտանիայում և աշխարհում։

Նոյեմբերի 1-9-ը Հայաստանի պետական սիմֆոնիկ նվագախումբը և գլխավոր դիրիժոր ու գեղարվեստական ղեկավար Սերգեյ Սմբատյանը հյուրընկալել էին այնպիսի կոմպոզիտորների, ինչպիսիք են Քշիշտոֆ Պենդերեցկին,…

Բաժանորդագրվել

Եթե ցանկանում եք պարբերաբար ծանոթանալ ՀՀ ԿԳՄՍ նախարարության կայքէջի «Տեղեկատվություն» բաժնի նյութերին, ապա կարող եք բաժանորդագրվել՝ նշելով Ձեր էլեկտրոնային փոստի հասցեն։ Այդ հասցեին կստանաք նամակ-հաղորդագրություն, որով կհաստատվի Ձեր բաժանորդագրումը։