«Հասարակական և հումանիտար գիտությունների ու արվեստի բնագավառում Ջեյմի Տորրես Բոդեյի անվան ՅՈՒՆԵՍԿՕ-ի և Մեքսիկայի ազգային ինքնավար համալսարանի համատեղ մրցանակի»համար թեկնածուների առաջադրում

2017-05-06

ՅՈՒՆԵՍԿՕ-ի անդամ պետությունները հրավիրվում են թեկնածություններ ներկայացնել «Հասարակական և հումանիտար գիտությունների ու արվեստի բնագավառում Ջեյմի Տորրես Բոդեյի անվան ՅՈՒՆԵՍԿՕ-ի և Մեքսիկայի ազգային ինքնավար համալսարանի համատեղ մրցանակ»-ի (UNESCO-UNAM Jaime Torres Bodet Prize in Social Sciences, Humanities and Arts 2017) 2017 թվականի շրջափուլի համար։ 
Մրցանակը շնորհվում է արվեստի և հասարակական ու հումանիտար գիտությունների ոլորտներում հետազոտությունների և մանկավարժական գործունեության միջոցով հասարակության և գիտելիքի զարգացման գործում նշանակալի ներդրում կատարած անհատներին, մարդկանց խմբերին կամ միջազգային հաստատություններին: 
Յուրաքանչյուր երկիր կարող է ներկայացնել միայն 1 թեկնածություն: Թեկնածությունների ներկայացումը հնարավոր է միայն ՀՀ ՅՈՒՆԵՍԿՕ-ի ազգային հանձնաժողովի միջոցով. ինքնաառաջադրված հայտերը չեն ընդունվելու։ 
Մրցանակին առնչվող այլ մանրամասներին կարելի է ծանոթանալ կից ներկայացվող նյութերից։
Փաստաթղթերի ամբողջական փաթեթը (պատշաճ լրացված կից ներկայացվող ձևանմուշը և թեկնածուի գործունեությանն առնչվող փաստաթղթեր), ՅՈՒՆԵՍԿՕ-ի ազգային հանձնաժողովի երաշխավորության նամակի նախագծի ուղեկցությամբ, մինչև ս.թ. մայիսի 12-ը անհրաժեշտ է ներկայացնել ՀՀ ԿԳՆ աշխատակազմի ԱԿՍՎ արտաքին կապերի բաժին (հեռ. 562364): 

Սահմանվել է անվանական կրթաթոշակ` օլիմպիադաներում բարձր արդյունք ցուցաբերած աշակերտների համար

ՀՀ կրթության, գիտության, մշակույթի և սպորտի նախարար Արայիկ Հարությունյանի հրամանով 2020 թվականի հունվարի 1-ից կգործի հանրակրթական ուսումնական հաստատությունների սովորողներին ԿԳՄՍ նախարարության անվանական կրթաթոշակի տրամադրման նոր կարգը։

Հրամանի համաձայն՝ մեկ տարի ժամանակով ամսական նշված չափի կրթաթոշակ կարող են ստանալ հանրակրթական ուսումնական հաստատությունների այն սովորողները, որոնք բավարարում են հետևյալ չափանիշներից առնվազն մեկին`

միջազգային առարկայական…

Բաժանորդագրվել

Եթե ցանկանում եք պարբերաբար ծանոթանալ ՀՀ ԿԳՄՍ նախարարության կայքէջի «Տեղեկատվություն» բաժնի նյութերին, ապա կարող եք բաժանորդագրվել՝ նշելով Ձեր էլեկտրոնային փոստի հասցեն։ Այդ հասցեին կստանաք նամակ-հաղորդագրություն, որով կհաստատվի Ձեր բաժանորդագրումը։