Սիրելի բարեկամներ,

    Ողջունում եմ Ձեզ ՀՀ կրթության, գիտության, մշակույթի և սպորտի նախարարության պաշտոնական կայքում։ Մեր նախարարության աշխատանքը բազմաճյուղ է և ուղղված մեկ գլխավոր նպատակի՝ ձևավորել գիտակ, ստեղծարար և նախաձեռնող քաղաքացի, ով իրեն գնահատված ու երջանիկ է զգում իր երկրում։

    Մեր օրերում, երբ Հայաստանի Հանրապետությունը կանգնած է մեծ փոփոխությունների շեմին, կրթության, գիտության, մշակույթի և սպորտի դերը վերարժևորվում է, քանի որ այս ոլորտների համագործակցության արդյունքում է ձևավորվում այն բովանդակությունը, որը նոր արժեհամակարգի հիմքն է դառնալու:

    Կրթությունը պետք է լինի որակյալ և հասանելի բոլորին, մշակութային ժառանգությունն անհրաժեշտ է պահպանել և հանրահռչակել՝ միևնույն ժամանակ նպաստելով նոր արժեքների ստեղծմանը, սպորտի ոլորտում ունեցած հաջողությունները պետք է առողջ ապրելակերպի խթանման ուղենիշ դառնան բոլորի համար։ Սա է մեր տեսլականը, և այս ճանապարհին յուրաքանչյուր քաղաքացու ներդրումը կենսական է և անչափ ոգևորիչ։

    Կարևորելով մեր բոլոր քաղաքացիների ներգրավվածությունը՝ առաջարկում եմ միասնաբար և համագործակցելով շարժվել փոփոխությունների այս դժվար ճանապարհով՝ ի շահ մեր երկրի զարգացման և բարօրության։

 

    ՀՀ կրթության, գիտության, մշակույթի և սպորտի նախարար  

    Արայիկ  Հարությունյան

Բաժանորդագրվել

Եթե ցանկանում եք պարբերաբար ծանոթանալ ՀՀ ԿԳՄՍ նախարարության կայքէջի «Տեղեկատվություն» բաժնի նյութերին, ապա կարող եք բաժանորդագրվել՝ նշելով Ձեր էլեկտրոնային փոստի հասցեն։ Այդ հասցեին կստանաք նամակ-հաղորդագրություն, որով կհաստատվի Ձեր բաժանորդագրումը։