Էրազմուս+ և Տեմպուս

Տեմպուսը  Եվրոպական միության ավարտված ծրագիր է` ուղղված բարձրագույն կրթության համակարգի արդիականացմանը: Այն նպաստում է ԵՄ և Գործընկեր երկրների ինստիտուցիոնալ համագործակցությանը՝ կարևորելով վերջիններիս բարձրագույն կրթության համակարգերի բարեփոխումներն ու արդիականացման  գործընթացները: 1995-ից 2014-թթ Հայաստանում Տեմպուսն աջակցել է բարձրագույն կրթության բնագավառում ուսումնական ծրագրերի և կրթական նյութերի վերանայմանն ու զարգացմանը, կրթօջախների արդիականացմանը և/կամ համալսարանական կառավարման համակարգերի կատարելագործմանը: 

Հայաստանյան բուհերի և այլ հաստատությունների մասնակցությամբ  Տեմպուս ծրագրերի շտեմարանը՝ https://erasmusplus.am/ongoing-and-finished-projects/?lang=hy

Էրազմուս+-ը Եվրոպական միության նոր ծրագիրն է կրթության, վերապատրաստման, երիտասարդության և սպորտի հարցերով, որը կընթանա 2014-2020 թթ. ժամանակահատվածում: Այն փոխարինում և համախմբում է ընթացիկ յոթ ծրագրերը, այդ թվում` Տեմպուսն ու Էրազմուս Մունդուսը: 

Իր նպատակներին հասնելու համար Էրազմուս+ ծրագիրը իրականացնում է հետևյալ 3 Հիմնական Գործողությունները և այլ միջոցառումները`

Միջազգային կրեդիտային շարժունություն և Էրազմուս Մունդուս համատեղ մագիստրոսական ծրագրեր (ՀԳ1)
Կարողությունների զարգացումը բարձրագույն կրթության ոլորտում (ՀԳ2)
Աջակցություն քաղաքական բարեփոխումներին/Բարձրագույն կրթության բարեփոխումների փորձագետներ (ՀԳ3)
Ժան Մոնե գործողություններ

Արևելյան գործընկերության 6 երկրներից Հայաստանը թվով երրորդն է (Ուկրաինայից և Վրաստանից հետո) Էրազմուս+ ՀԳ1 շարժունության ծավալներով։ Այս գործողությունն իրագործող հայաստանյան բուհերի թիվը գրեթե կրկնապատկվել է 15-ից (2015թ.-ին) մինչև 28-ը (2017թ.): 2015 թ.-ից սկսած Հայաստանի բուհերն Էրազմուս+ շարժունությամբ 307 ծրագրային դիմումներ են ներկայացվել, որոնցից 211-ն ընտրվել են ֆինանսավորման` կազմելով 69%  հաջողության ցուցանիշ:

Մինչև 2018թ. ավարտը 1901 մասնակից ստացել է կամ կստանա կրթաթոշակ (ընդհանուր 6 677 000 եվրո), կարճաժամկետ ուսանելու կամ վերապատրաստվելու ԵՄ-ում և Հայաստանում (1323-ը Հայաստանից դեպի ԵՄ և 578-ը ԵՄ-ից Հայաստան) 30 28 եվրոպական երկրների բուհերի հետ համագործակցության շրջանակներում ամենաշատ քանակությամբ Էրազմուս+ շարժունությունները Լեհաստանի, Իսպանիայի և Իտալիայի համալսարանների հետ են, որոնք հայ ուսանողների եւ բուհական դասախոսական ու վարչական աշխատակազմի ներկայացուցիչների առավել նախընտրելի կրթական ուղղություններն են:

2015թ-ից ի վեր, Հայաստանում ընթանում է 16 Էրազմուս + ՀԳ2 Բարձրագույն կրթության կարողությունների զարգացմանը միտված ծրագիր: Դրանցից 5-ը համակարգվում են հայկական բուհերի կողմից: Կրթության եւ գիտության նախարարությունը ներգրավված է 7 ծրագրերում (տես ստորև ցանկը):

Հայաստանում վերը թվարկված գործողությունների մանրամասներին, ինչպես նաև Էրազմուս+ ծրագրի բարձրագույն կրթության հատվածի մասին ընդհանուր տեղեկատվությանը ծանոթացեք Էրազմուս+ ծրագրի ազգային գրասենյակի www.erasmusplus.am կայքում:

Էրազմուս+INCLUSION «Սոցիալական ոլորտի ռազմավարությունների մշակումը և իրականացումը  Հայաստանում ու Բոսնիա և Հերցեգովինայում՝ երկու երկրների կրթական համագործակցության միջոցով» ծրագրի շրջանակներում իրականացվող աշխատանքների վերաբերյալ տեղեկատվությանը ծանոթացեք  http://inclusionerasmus.org  կայքում:

Բրիտանական հեղինակավոր «Rhinegold» պարբերականը՝ ՀՀ ԿԳՄՍ աջակցությամբ անցկացված «Ժամանակակից դասականներ» փառատոնի մասին

Հայաստանում անցկացված «Ժամանակակից դասականներ» կոմպոզիտորական փառատոնին անդրադարձել է «Rhinegold» հեղինակավոր պարբերականը։ «Rhinegold»-ը համարվում է բարձրարժեք երաժշտությանն ու կատարողական արվեստին անդրադարձող լավագույն հարթակներից մեկը Մեծ Բրիտանիայում և աշխարհում։

Նոյեմբերի 1-9-ը Հայաստանի պետական սիմֆոնիկ նվագախումբը և գլխավոր դիրիժոր ու գեղարվեստական ղեկավար Սերգեյ Սմբատյանը հյուրընկալել էին այնպիսի կոմպոզիտորների, ինչպիսիք են Քշիշտոֆ Պենդերեցկին,…

Բաժանորդագրվել

Եթե ցանկանում եք պարբերաբար ծանոթանալ ՀՀ ԿԳՄՍ նախարարության կայքէջի «Տեղեկատվություն» բաժնի նյութերին, ապա կարող եք բաժանորդագրվել՝ նշելով Ձեր էլեկտրոնային փոստի հասցեն։ Այդ հասցեին կստանաք նամակ-հաղորդագրություն, որով կհաստատվի Ձեր բաժանորդագրումը։